2024 оны элсэлтийн шалгалтын бүртгэл өнөөдөр эхэлж буй.
БШУ-ны сайдын 2024 оны хоёрдугаар сарын 16-ны өдрийн А/66 дугаар тушаалаар батлагдсан “Элсэлтийн шалгалтын журам”-ын дагуу ЭШ-ын бүртгэл 2024 оны хоёрдугаар сарын 19-ны 09.00 цагт эхэлж 2024 оны дөрөвдүгээр сарын 26-ны 18 цагт дуусна.Монгол хэл, бичгийн шалгалтын бүртгэл 2024 оны 03 сарын 15-ны өдрийн 18.00 цагт дуусна.
Элсэлтийн шалгалтын дүн оноог олон улсын дүн оноотой дүйцүүлэх аргачлалд нарийвчилсан өөрчлөлтүүд орж байгаа. Өөрөөр хэлбэл Кембрижийн олон улсын шалгалтууд, PTE, TOEFL, SAT, IELTS зэрэг шалгалтыг өгсөн хүүхдүүд тэрхүү оноогоо дүйцүүлж дотоодын их дээд сургуульд элсэн орох боломжтой.
Энэхүү дүйцүүлэх хүсэлтийг онлайнаар буюу 3.01-05.31 хүртэл БҮТ-ийн сайтаар хүлээн аван, 10 хоногийн хугацаанд багтаан Батламж хуудсыг олгох юм байна
Харин элсэлтийн шалгалтын ерөнхий агуулга, бүтэц, зохион байгуулалтыг 2026 оноос эхлэн өөрчлөхөөр төлөвлөн ажиллаж байгаа аж. Үндэсний босго оноо 400 хэвээр байна.
ЭЕШ өгөх бол энд дарж бүртгүүлээрэй.
