Уржигдар буюу 2 дугаар сарын 14-ны өдөр БГД-ийн 29-р хорооны газар нутагт байрлах Бизнес инкубатор төвд гал гарсан. Уг гал түймрээс үүдэн 100 гаруй иргэн ажлын байр, бизнесээ алдан, мөнгө санхүүгээрээ хохироод байгаа билээ.
Тухайн өдөр уг худалдааны төв ажиллаагүй амарч байсан бөгөөд гурван худалдаачин ажлын байраа эргэхээр обьектоо тойрон эргүүл хийж байтал гэнэт дотроос утаа саагин гал гарчээ.
Худалдаа эрхлэгчдийн хувьд энэ нь ямар нэгэн зохион байгуулалттай гал тавьсан үйлдэл байж болзошгүй гэж үзэж байгаа юм байна. Учир нь 30 хоног мэдээллээ хадгалдаг хяналтын камерынх нь хард диск-т 2 дугаар сарын 8-аас хойших бичлэг хадгалагдаагүй байгаа нь тэдэнд маш их сэжиг хардалтыг төрүүлж байгаа аж.
