2020 оны орон нутгийн сонгуулиар Увс аймгийн Ардчилсан намын гишүүд сумын Иргэдийн төлөөлөгчдийн хуралд нэр дэвшихдээ сонгуулийн хандивын дансаа АТГ-т бүртгүүлээгүйн улмаас 10 сая төгрөгөөр торгуульсан талаараа өнөөдөр хэвлэлийн хурал зарлан мэдэгдсэн.
Малчин болон тэтгэврийн насныхан голдуу эдгээр хүмүүсийн хувьд сонгуулийн тухай хуулиа уншиж судлаагүй байх нь гэж хаацайлан бодож болох ч Увс аймгийн Ардчилсан нам гишүүдээ мэдээллээр хангаж чадавхижуулдаггүй юу? Сонгуулийн салбар хороо нь сонгуулийн хуулиа сурталчлан таниулдаггүй юу гэдэг асуудал зүй ёсоор урган гарахаар байна.
Гэвч Увс аймгийн Ардчилсан намын дарга Д.Цэндсүрэн тухайн үед намын дарга байгаагүй гэдгээ хэлж “Эдгээр хүмүүс юугаа мэдэх вэ дээ. Гэтэл аймгийн татварын газраас зөрчлийн хуулиар торгож, үүнийг нь анхан шатны шүүхээс хэрэгсэхгүй болгочихоод байхад Татварын ерөнхий газраас давж заалдаад ялд унагаачихлаа” хэмээв.
