Төрийн жинхэнэ албаны ерөнхий шалгалтыг улиралд нэгээс доошгүй удаа зохион байгуулахаар хуульчилсны дагуу энэ онд авах дөрвөн удаагийн шалгалтын хуваарийг 2023 онд баталсан байдаг.
Хуваарийн дагуу 2024 оны эхний улирлын шалгалтын цахим бүртгэл хоёрдугаар сарын 14-ний өдрийн 09:00 цагаас эхэллээ. Бүртгэл хоёрдугаар сарын 29-ний өдрийн 09:00 цаг хүртэл Төрийн албаны зөвлөлийн https://exam.csc.gov.mn/ цахим хуудсаар явагдана.
Мөн төрийн албаны ерөнхий шалгалтад оролцогчдод зориулсан 2024 оны “Төрийн албаны ерөнхий шалгалтын сорил, даалгавар”цахим номыг Төрийн албаны зөвлөлөөс бэлтгэж, байршуулсан байна. Шалгалт энэхүү цахим номын хүрээнд явагдана.
