Өнөөдөр Гэгээн Валентины баярын өдөр. Дурлалт хосууд нэгэндээ чин үнэнч хайр сэтгэлээ илэрхийлж, хамтдаа сэтгэл догдлом романтик мөчийг өнгөрүүдэг. Харин ганц бие хүмүүсийн хувьд харж явдаг нэгэндээ хайраа илэрхийлэх хамгийн тохиромжтой өдөр билээ. Монголчуудын хувьд гэгээн хайрын өдрийг тэмдэглэдэг болсоор багагүй хугацааг өнгөрсөн бөгөөд жил ирэх тусам илүү өргөн дэлгэр тэмдэглэх болж байна. Энэ баярын хамгийн гол бэлэг нь шоколад байдаг.
Валентины баярын уламжлалт бэлэг гэхэд болох зүрхэн шоколадыг анх Ричард Кардбөри гэгч шоколадны үйлдвэрийн эзэн 1868 онд Валентины баяраар эхнэртээ өөрийн гараар урласан зүрхэн хэлбэртэй хайрцганд шоколад хийн бэлэглэснээс үүдэлтэй аж. Мөн 1800-д оны үед эмч нар хайр дурлалаас болж шаналсан өвчтнүүдээ тайвшруулахын тулд шоколад идүүлдэг байжээ.
Жилийн хамгийн романтик уур амьсгалтай өнгөрдөг энэ өдөр цэцэг, шоколад хамгийн их борлогддог. Валентины баяраар эрчүүдийн 73% нь цэцэг худалдаж авдаг бол эмэгтэйчүүдийн 27% нь л сэтгэлтэй залуудаа зориулан цэцэг худалдаж авдаг ажээ. Түүнчлэн Валентины баяраар бие биедээ хамгийн их өгдөг цэцэг бол улаан сарнай бөгөөд энэ нь эртний Ромчууд улаан сарнай нь хайрын бурхан Венусын дуртай цэцэг гэж итгэдэг байснаас үүдэлтэй юм байна.
