Жилийн хамгийн романтик уур амьсгалтай өдрүүдийн нэг буюу Гэгээн Валентины баяр маргааш болно. Тус баяраар хосууд нэгэндээ үнэнч хайр сэтгэлээ илэрхийлж, сэтгэл догдлом өдрийг өнгөрүүлэхийг хүсдэг бол ганц бие хүмүүсийн хувьд харж явдаг нэгэндээ сэтгэлээ илчилж, зоригтой алхам хийх чухал боломжуудын нэг билээ.
Тэгвэл энэ жилийн гэгээн хайрын өдрүүдээр ямар үйл ажиллагаа, тоглолтууд төлөвлөгдсөнийг та бүхэнд тоймлон хүргэж байна.
BE MY VALENTINE
Номинталст хамтлагийн дуучин Хаянаа, Дээгий нарын “Be My Valentine” тоглолт Omni club-т 2 сарын 14-ны 21:00 цагт болно. Уг тоглолтод Хаянаа, Дээгий нар 18 дуу, Guys хамтлагийн дуучин Уугий 5 дуу, Mr.Dogs хамтлаг 5 дуу, Агиймаа 3 дуу дуулахаар төлөвлөөд байгаа юм. Гэхдээ тэдний супер хит Чамайг санахдаа, Дурлаж бичсэн шүлэг зэрэгдуунуудыг зохиосон Гитарчин, ая зохиогч Өөжгий өөрийн зохион дуунуудыг дуулуулахыг хориглоод байгаа тул тэд тоглолт дээрээ шүлэг унших уу гэсэн явган хошигнол ч гараад буй. Ямартаа ч тэдний тоглолт цуцлагдахгүй, болох хэвээрээ байна. Тоглолтын тасалбар 89000₮.
BAYARTSETSEG'S SPECIAL NIGHT
Гэгээн хайрын валентины өдрөөр уянгалаг хоолойт дуучин Баярцэцэгийн “Bayartsetseg's Special Night” тоглолт Metro club-ын 2-р давхарт байрлах National Amusement Park-д ганц удаа болно. Тэрээр сонсогчдын зүрх сэтгэлийн догдлуулсан 12 дуугаа өргөн барих юм байна. Мөн тоглолтод урилгаар RecOn, Anuri нар оролцоно. Тасалбараа урьдчилдж захиалбал 49900, тухайн өдрөө үүднээс авбал 69900 төгрөгийн үнэтэй байх юм байна.
"LOVE" VALENTINE CONCERT
Залуу уран бүтээлчдийн хамтарсан “LOVE” Valentine concert Корпрэйт конвеншн цэнтрт 19:00 цагт болно. Music producing Ermuun ХХК-ийн зохион байгуулж буй уг тоглолтод Vandebo, Gangbay, Davaidasha, Roockie, AM-C, Baatarfly, Sash, 290, Shuwu, DJ Layla, Sekstsagaanbogd нар оролцоно. Энгийн тасалбар 59900₮, хос тасалбар 100000₮.
FREEZONE - LIVE MUSIC CONCERT
1998 онд үүсгэн байгуулагдаж залуусыг байлдан дагуулж байсан Freezone хамтлаг 02 сарын 14-нд 19:00 цагаас Crocus Event Hall-д амьд хөгжмийн бүрэн хэмжээний тоглолтоо хийх гэж байна. Тоглолтын ерөнхий зохион байгуулагчаар BRB agency ажиллаж байна. Тоглолт нь 1-р давхартаа босоо хэлбэрээр зохион байгуулагдах ба 2-р давхарт суугаа ширээтэй хэлбэрээр болох ба VIP тасалбар нь 4, 6, 8 хүний суудалтайгаар төлөвлөгдсөн. Энгийн тасалбарын үнэ 79000₮. Тоглолтод урилгаар оролцох зочин артистуудын нэрсийг одоогоор нууцалсаар байна.
SYMPHONY CHOIJOO & A-SOUND CONCERT
Уянгын дууны томоохон төлөөлөл Чойжоо энэ жил A-Sound болон симфони оркестртэй хамтран Улсын дуурь бүжгийн эрдмийн театрт амьд тоглох гэж байна. Гэгээн хайрын баярын өдрөөр 19:00-22:00 цаг хүртэл нийт 3 цагийн турш үргэлжлэх энэхүү тоглолтыг Blackbox production, CGI нар зохион байгуулж буй бол Анир поп оркестр удирдаачаар Б.Алтанхуяг, тайзны ерөнхий зураачаар Д.Лхагвадорж буюу Jojo, нар ажиллана. Тасалбарын үнэ 200000₮.
PLAYOFFS 2023-2024
Монголын сангасн бөмбөгийн холбооны үндэсний дээд лигийн хагас шигшээ тоглолтууд үргэлжилж байна. 2 сарын 14-ны гэгээн хайрын өдрөөр
18:10 Хасын хүлэгүүд – Улаанбаатар амазонс /woman’s final game 3/
20:40 Хасын хүлэгүүд – Эрдэнэт майнерс /semifinal game 2/ тоглолтууд болно. Суудал бүр өөр үнэтэй.
