Экс Ерөнхийлөгч Х.Баттулгын МоАХ-ын фракц сэтгүүлчдээр бүл нэмэв. Тодруулбал, сэтгүүлч Л.Мөнхбаясгалан, Ж.Баттуул, "Мистер До" нэрээр танигдсан О.Зундуйдорж нар тус холбоонд элссэн байна.
Энэ тухай сэтгүүлч Л.Мөнхбаясгалан өөрийн цахим хуудаснаа "Амьдралдаа анх удаа улстөрийн сонголт хийж Монгол улсын баатар МоАХ-нд туулай жилдээ багтаж элслээ. Ардчиллын сүүлчийн цайз болж үлдсэн МоАХ-ны үзэл санааг ямагт дээдэлж, алтан соёмбот хөх тугийг нь өндөрт өргөж явахаа батлан гишүүнийх нь үнэмлэхийг Монгол Улсын тав дахь Ерөнхийлөгч Халтмаагийн Баттулгаас ийнхүү гардлаа. Эх орныхоо тусгаар тогтнол, газар шороо, эрх чөлөө, ардчиллын төлөө тууштай тэмцэх болно оо" хэмээн сэтгэгдлээ илэрхийлсэн байна.
