Хөвсгөл аймгийн Алаг-Эрдэнэ сумын Хатгал тосгоны 6 дугаар багийн “Урандөш” гэдэг газар Хөвсгөл нуурын мөсөн дээр зорчиж явсан суудлын автомашин мөс цөмөрч усанд суусан тухай дуудлага мэдээлэл ОБГ-т өчигдөр /2024.02.07/ өдрийн 16:05 цагт ирсэн байна.
Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчдыг очиход “Модон хүй” гэдэг газраас Хатгал тосгоны чиглэлд 4 зорчигчтой зорчиж явсан иргэн Ц-ийн “Хайлюкс” загварын суудлын автомашин мөс цөмөрч урд дугуйгаараа усанд суусан байсныг 22:08 цагт татан гаргажээ.
Иймд иргэд та бүхэн мөсөн дээгүүр зорчихгүй байхыг анхааруулж байна.
