Хөвсгөл аймгийн Галт сумын Зүрх багийн аймгийн аварга малчин Дондов овогтой Батмөнх нь 43 жил тасралтгүй мал маллаж Улсын аварга малчин шагналаа гардан авлаа.
Д.Батмөнх нь сүүлийн 3 жилд 1033-1275 толгой мал тоолуулж, 2011 оноос одоог хүртэл 12 жил туслах малчин ажиллуулж 6 малчинд 640 толгой мал, уналгын 2 морь, 5 ханатай гэр 1, өвлийн сууцтай хашаа байшин тохижуулж өгчээ.
Олон өрхийг малтай болгож өгснөөр тус малчид аймаг, сумын аварга малчдаар тодорсон байна.
Мөн сум орон нутгийн түүхт ой, эрүүл мэнд, нийгмийн салбарт үнэтэй хувь нэмрээ оруулдаг тэргүүний малчин юм.
Мөн түүний хувьд 1-2 га талбайд малын тэжээл, өрхийн хэрэгцээний хүнсний ногоогоо тариалдаг малч хичээнгүй, нутаг орныхоо иргэдэд үлгэр дуурайлал болж ажиллаж амьдарч байгаа нэгэн аж. Түүний аав н.Дондов 1982 онд Улсын аварга малчин болж байсан түүхтэй.
