Монголын үндэсний сагсан бөмбөгийн холбоо Үндэсний Дээд Лигийн 2023-2024 оны улирлын шилдгүүдээ тодруулж, шагнал гардууллаа. Улирлын шилдгүүдийг хувь тоглогчийн статистик, багийн амжилт, багийн дасгалжуулагчид болон менежерүүдийн санал дээр үндэслэн тодруулжээ. Ийнхүү улирлын шилдгүүдийг танилцуулж байна.
Улирлын үнэ цэнэтэй тоглогч буюу "MVP Of The Year" шагналын эзнээр
- IHC Apes багийн тоглогч М.ӨЛЗИЙ-ОРШИХ /Тэрээр энэ улиралд 24 тоглолтод 15.3 оноо, 3.2 самбар, 5.6 оновчтой дамжуулалт, 2.7 бөмбөг таслалт, 43 хувийн довтолгоо дунджилсан байна. IHC Apes баг нь улиралд 19-5 амжилт үзүүлсэн/
- Хасын Хүлэгүүд багийн тоглогч Ө.ИНДРА /Тэрээр энэ улиралд 10 тоглолтод 19.9 оноо, 1.9 самбар, 1.6 оновчтой дамжуулалт, 2.0 бөмбөг таслалт, 44 хувийн довтолгоо дунджилсан байна. Хасын Хүлэгүүд баг нь 9-1 амжилттай лигийн амжилтыг хүснэгтийг тэргүүлсэн юм./
Шилдэг Гадаад Тоглогч буюу "Best International Player Of The Year" шагналын эзнээр
- IHC Apes багийн тоглогч ANTHONY SMITH / Тэрээр энэ улиралд 23 тоглолтод 19 хожил, 4 хожигдолтой, 17.1 оноо, 9.2 самбар, 3.1 оновчтой дамжуулалт, 1.2 бөмбөг таслалт, 66 хувийн довтолгоо дунджилсан байна./
- Аравт багийн тоглогч AMARAH COLEMAN / Тэрээр энэ улиралд 8 тоглолтод 17.6 оноо, 6.5 самбар, 3.5 оновчтой дамжуулалт, 2.0 бөмбөг таслалт, 34 хувийн довтолгоо дунджилсан байна./
Амжилт нь Ахисан Тоглогч буюу "Most Improved Player Of The Year" шагналын эзнээр
- Selenge Bodons багийн тоглогч О.ТУЛГА / Тэрээр өнгөрсөн улиралд 5.7 оноо, 2.5 самбар, 1.5 оновчтой дамжуулалт, 0.3 бөмбөг таслалт, 48 хувийн довтолгоо дунджилж байсан бол энэ улиралд 10.3 оноо, 3.6 самбар, 4.2 оновчтой дамжуулалт, 1.5 бөмбөг таслалт, 35 хувийн довтолгоо дунджилсан байа./
- AODE Winx багийн тоглогч Э.НАРАНГОО / Тэрээр өнгөрсөн улиралд 6.8 оноо, 4.3 самбар, 0.3 оновчтой дамжуулалт, 1.0 хаалт, 49 хувийн довтолгоо дунджилж байсан бол энэ улиралд 15.6 оноо, 8.7 самбар, 1.2 оновчтой дамжуулалт, 1.4 хаалт, 39 хувийн довтолгоо дунджилсан байна./
Шилдэг Зургаа дахь Тоглогч буюу "Sixth Player Of The Year" шагналын эзнээр
- Бишрэлт Металл багийн тоглогч З.ЭНХТӨР / Тэрээр энэ улиралд сэлгээнээс 15 тоглолтод оролцож 5.8 оноо, 2.3 самбар, 2.3 оновчтой дамжуулалт, 2.3 бөмбөг таслалт, 43 хувийн довтолгоо дунджилсан байна./
- Хасын Хүлэгүүд багийн тоглогч А.САРАНТУЯА / Тэрээр энэ улиралд сэлгээнээс 9 тоглолтод оролцож 7.3 оноо, 2.1 самбар, 1.5 бөмбөг таслалт, 37 хувийн довтолгоо дунджилсан байна./
Шилдэг Хамгаалан Тоглогч буюу "Defensive Of The Year" шагналын эзнээр
- Налайх Бизон багийн тоглогч Ш.МӨНХ-ЭРДЭНЭ / Тэрээр энэ улиралд 23 тоглолтод 2.6 бөмбөг таслалт, 0.5 хаалт дунджилж 87.3 хамгаалалтын рэйтинг үзүүлж лигийг тэргүүлсэн байна./
- AC SCorpions багийн тоглогч Б.БОЛОР-ЭРДЭНЭ / Тэрээр энэ улиралд 10 тоглолтод 1.5 хаалт, 3.2 хаалт дунджилж 88.1 хамгаалалтын рэйтинг үзүүлсэн байна./
Шилдэг шинэ тоглогч буюу "Rookie Of The Year" шагналын эзнээр
- Аравт багийн тоглогч Н.ТУНГАЛАГ / Тэрээр энэ улиралд 9 тоглолтод 7.6 оноо, 1.9 самбар, 2.7 оновчтой дамжуулалт, 2.5 бөмбөг таслалт дунджилсан байна./
- Хасын Хүлэгүүд багийн тоглогч А.АЗБАЯР / Тэрээр энэ улиралд 20 тоглолтод 12.3 оноо, 7.0 самбар, 67 хувийн довтолгоо, 1.05 хаалт дунджилсан байна./
Шилдэг дасгалжуулагчаар
- Erdenet Miners багийн дасгалжуулагч FRAGKIAS VASILEIOS / Erdenet Miners баг энэ улиралд 19 хожил, 5 хожигдолтой лигийн амжилтын хүснэгтийг тэргүүлсэн юм/
- Хасын Хүлэгүүд багийн дасгалжуулагч О.БАЯРЦОГТ / Хасын Хүлэгүүд баг энэ улиралд 9 хожил, 1 хожигдолтой лигийн амжилтын хүснэгтийг тэргүүлсэн юм./
МСБХ-ны Үндэсний Дээд Лигийн хөгжилд үнэтэй хувь нэмэр оруулагч зүтгэлтэн шагналын эзнээр Ж.БАТЖАРГАЛ тодорлоо. Тэрээр 1994-98 онуудын хооронд МСБХ-ны Ерөнхий Нарийн Бичгийн даргаар ажиллаж байсан буюу анхны лигийг зохион байгуулахад гар бие оролцсон зүтгэлтэн юм.
