Орхон аймаг, Баян-Өндөр сум Зэст багийн "Дугуй” дэлгүүрийн ойролцоо суудлын автомашин жолоодож явсан нэгэн иргэн айлын хашаа мөргөж амь насаа алдсан харамсалтай хэрэг гарлаа.
Энэ талаар суудлын автомашин айлын хашаа мөргөсөн, автомашины хаалгыг онгойлгож чадахгүй байна гэсэн дуудлагыг тус аймгийн Онцгой байдлын газар 02.05-ны өдрийн 07:40 цагт хүлээн авсан бөгөөд эрэн хайх, аврах ангийн алба хаагчдыг очиход иргэн Б-ын “Toyota Harreir” загварын суудлын автомашин айлын хашаа мөргөж тус автомашины жолооч Б /67 настай, эрэгтэй/ нас барсан байсныг 7 минут ажиллаж цогцсыг гарган аймгийн Нэгдсэн эмнэлгийн яаралтай тусламжийн тасгийн жижүүрт шилжүүлэн өгсөн байна.
Иймд жолооч та бүхэн тээврийн хэрэгслийнхээ бүрэн бүтэн байдлыг хангаж, анхаарал болгоомжтой замын хөдөлгөөнд оролцохыг анхааруулж байна.
