Архангай аймаг, Жаргалант сум Ямаат багийн харьяат, малчин О /56 настай, эмэгтэй, сэтгэцийн өөрчлөлттэй/ 02.04-ний өдрийн 04:00 цагийн орчим гэрээсээ гараад сураггүй болжээ.
Энэ талаарх дуудлагыг тус аймгийн Онцгой байдлын газар тухайн өдрийн 18:45 цагт хүлээн авч эрэн хайх, аврах ажиллагааг алба хаагчид, сумын Цагдаагийн тасгийнхан, сумын Мэргэжлийн ангийнхны хамтаар 02.05-ны өдрийн 12:25 цагаас эхлэн тус багийн “Арцны сахья” гэдэг газар Орхон голын эрэг дагуу завьтай 50 метр зайд зохион байгуулж 13:37 цагт цогцсыг нь олж, гарган сумын Цагдаагийн тасгийн зохицуулагчид шилжүүлэн өгсөн.
