О.Баасанхүү: О.Цогтгэрэл даргатай АН гэж байхгүй, шүүхэд нөлөөлөх гэж хуурамч мэдээлэл тарааж байна
УИХ-ын гишүүн асан О.Баасанхүү Мэдээ.mn сайтуудаар төлбөртэй мэдээлэл гаргаж байгаа юм байна. Шулуухан хэлэхэд О.Цогтгэрэл даргатай АН хүчинтэй хэвээр гэсэн. Би тэдний хуульчдад, залуу хүүхдүүдэд адилхан хуульч хүний хувьд хэд хэдэн зүйл хэлмээр байна. Хуулиа хараач ээ гэж хэлмээр байна. Нэгдүгээрт О.Цогтгэрэл даргатай АН гэж байхгүй. Улсын дээд шүүхээс О.Цогтгэрэл гэж хүнийг АН-ын дарга гэдгийг хүлээн зөвшөөрөөгүй. Хоёрдугаарт, арванхоёрдугаар сарын 24-нөөс хойш шүүхээр даваад байгаа боловч амжилт олохгүй байна.
Давж байгаа гэхээр чинь Анхан шатны шүүх хүчингүй гэсэн үг. Хуульд тодорхой заачихсан байгаа. Давах хурлыг санаатайгаар хойшлуулж байгаа нь Анхан шатны шүүхийн шийдвэрийг өнөөдөр хүчингүй байлгах сонирхол байгаад байгаа байхгүй юу. Анхан шатны шүүхийн шийдвэрийг гаргахдаа эн нар өөрсийнхөө захиалгын шүүгчид нөлөөлөх байдлаар үг оруулсан. Ямар үг оруулсан бэ гэхээр “захирамжийг түдгэлзүүллээ” гэсэн үг оруулсан. Үүгээр улс төр хийх гэж оролдоод байдаг.
Гэтэл хөөрхий тэр хүний үгэнд орж үг оруулсан нөхөрт сахилгын шийтгэл ногдуулчихаад байна. Мөнхтулгат гэдэг хүнд дөрөвдүгээр сарын 2-ний өдөр сахилгын шийтгэл ногдуулах шийдвэр гаргачихаад байна. Нэгдүгээр асуудал нь энэ. Хоёр дахь асуудал нь давхын бол шүүхийн шийдвэр нь хүчингүй. Давахгүй бол шүүхийн шийдвэр хүчинтэй. Өнөөдөр захирамжийг даваад цааш давна гэдэг ойлголт байхгүй. Дээд шүүх гэж байхгүй гэсэн үг. О.Цогтгэрэл тэргүүтэй нөхдүүд өөрсдөө айхгүйгээр давхынхаа хурлыг хийчих ёстой байсан юм. Дээрээс нь шүүхэд нөлөөлөх гэж байгаа юм шиг О.Цогтгэрэл даргатай АН хүчинтэй хэвээр гэж байгаа нь асуудал байгааг мэдээд байгаа юм. Асуудалгүй л юм бол шууд очоод бүртгүүлчихнэ биздээ.
