Монгол Улсын Ерөнхий сайд Л.Оюун-Эрдэнийн хүүгийнх нь сүйт бүсгүй тансаг хэрэглээгээ цахим сүлжээнд гайхуулсны дараа иргэд бухимдаж, “Авлигын нотолгоо” хэмээн үзэж эсэргүүцлийн жагсаал өрнөж байна.
Тэгвэл энэ талаар БНСУ-ын сайтад ийнхүү бичигджээ.
https://www.nbnnews.co.kr/news...
Монгол Улсын Ерөнхий сайд Лувсаннамсрайн Оюун-Эрдэнэ огцрох шахалтад ороод байна. Энэ хэрэг явдал түүний хүү болон хүүгийнх нь сүйт бүсгүй нийгмийн сүлжээнд тансаг хэрэглээ, өндөр үнэтэй гадаадын автомашины зургуудыг нийтэлсэнтэй холбоотой юм.
Улаанбаатар хотын төв Сүхбаатарын талбайд Ерөнхий сайдыг огцрохыг шаардсан жагсаалууд өдөр бүр үргэлжилж байна. Жагсагчид Ерөнхий сайдын хүүгийн орлогын эх үүсвэрийг ил болгох, мөн Ерөнхий сайд шууд огцрохыг шаардаж байгаа бөгөөд 5-р сарын 16-ны байдлаар уг асуудалтай холбоотой онлайн гарын үсэг цуглуулах аянд 40,000 гаруй хүн нэгдсэн байна.
Төрийн албанд авлигыг арилгахыг байнга онцолдог, шударга ёсны имижтэйгээр засгийн эрхэнд гарсан Л.Оюун-Эрдэнэ сайдын хувьд энэ цахим сүлжээний тансаг хэрэглээтэй холбоотой маргаан нь ёс зүй болон улс төрийн хувьд хүчтэй цохилт болж байна.
Монголын эрх баригчид иргэдийн шахалтад автан Ерөнхий сайдын хүү болон түүний сүйт бүсгүйн хөрөнгийн эх үүсвэрийг шалгаж эхэлжээ. Түүнчлэн улс төрийн хүрээнд энэ асуудлыг жирийн цахим маргаан гэж үзэхээс илүүтэй, Монгол дахь улс төр, эдийн засгийн олигархи систем, давхаргын ялгаа байгаагас гадна ёс суртахууны доройтолд орсон хэмээн иргэд бухимдаж байна.
Эх сурвалж: nbnnews.co.kr
