Мягмар гарагт Шведийн Оребро хот дахь боловсролын төвд буутай этгээд гал нээж, 10 хүн амь үрэгдсэн байна. Гэхдээ энэ тоо нэмэгдэж магадгүйг цагдаагийн албаныхан мэдээлжээ.
Халдлага үйлдсэн этгээд мөн амь үрэгдсэн тул түүний ямар зорилготой уг халдлагыг хийснийг ил болгож чадаагүй.
Тус улсад ийм төрлийн халдлага гарах нь ховор байдаг бөгөөд Ерөнхий сайд Шведийн түүхэнд гарсан хамгийн аймшигт халдлага болсон гэдгийг хэлэв.
Халдлага нийслэл Стокхольм хотоос 200 орчим км-ийн зайд орших Оребро хотын захад үйлдэгдсэн.
Хэрэг гарсан боловсролын төв нь 20-оос дээш насны иргэд, цагаачдад бага, дунд шатны боловсрол олгодог төв юм байна.
Цагдаа нар халдлага үйлдсэн этгээдийн гэрийг нэгжсэн ч ямар нэг сэжигтэй баримт олоогүй аж. Тухайн этгээд халдлагыг ганцаараа үйлдсэн бөгөөд терроризмын шинжгүй гэжээ.
