Засгийн газрын ээлжит хуралдаанаас гаргасан шийдвэрийг танилцуулж байна.
ГЭР БҮЛ, ХӨДӨЛМӨР НИЙГМИЙН ХАМГААЛЛЫН САЙД Л.ЭНХ-АМГАЛАН:
-Аймаг орон нутгууд өөрсдөө хариуцаж үндэсний спорт арга хэмжээг зохион байгуулдаг боллоо. Тэгэхээр өмнөх морин уралдааны тушаал дээр зохицуулалт хийхээс өөр аргагүй болж байна. Хамгийн түрүүнд хүүхдийн эрх хангагдах ёстой. Тиймээс морин спортынхонтой хэд хэдэн уулзалтууд хийнэ. Хууль бус уралдаан зохион байгуулвал эрүүгийн хариуцлага хүлээлгэдэг болох хуулийн зохицуулалтыг хэлэлцэж байна. Хэрвээ хаврын морины уралдаан зохион байгуулвал 12 наснаас дээш хүүхдээр унуулах, 5 сарын 1-ээс 11 сарын хооронд морь унасан хүүхдийг хөдөлмөрийн тэвчишгүй хөдөлмөр гэж яагаад үзэхгүй байгаа гэхчлэн асуудлууд яригдана. Бид зөвлөмж гаргана, зөвлөмжийг тэд биелүүлэх ёстой.
Өнөөдрийн Засгийн газрын хуралдаан дээр Цагаан сар, наадмаар амрах өдрүүдэд зохицуулалт хийхээр танилцууллаа. Ер нь бид есөн баяраар 16 өдөр амардаг байгаа. Иргэдийн саналыг харгалзаад баяры өдөр амралтын өдөр давхацвал нөхөж амраадаг болъё гэж хэлэлцэж байна.
Битүүний өдөр, шинийн 1-3 амардаг байх, мөн амралтын өдөр таарвал давхцлыг нь арилгаж нөхөж амрах зохицуулалт хийхээр яригдаж байна. Эргэн танилцуулж Засгийн газар баталсан тохиолдолд, УИХ-аар хэлэлцэнэ.
Энэ жил Цагаан сарын баярын амралтын хоёр нь бямба, ням гарагт таарч буй. Иймд баярын амралтын хугацааг сунгах нь зүйтэй гэсэн санаачилгыг ХНХ-ын сайд Л.Энх-Амгалан дэвшүүлсэн билээ.
