Сонгинохайрхан дүүргийн иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Д.Ундармаа, ажлын хэсгийнхний хамт Цагдаагийн газрын хоёрдугаар хэлтэст ажиллалаа.
Дүүргийн Цагдаагийн газрын хоёрдугаар хэлтсийн алба хаагчидтай уулзаж, санал сэтгэгдлийг сонсон, нөхцөл байдалтай танилцсан юм.
Тус хэлтсийн мэдүүлэг авах 8, хорооны цагдаагийн хэсгийн байрны мэдүүлэг авах 13 нийт 21 өрөөнд хяналтын камер суурилуулах ажлын хөрөнгө оруулалтыг шийдвэрлэсэн бөгөөд тохижилтын ажил 50 гаруй хувьтай үргэлжилж байна.
Энэхүү мэдүүлэг авах өрөөнд сүүлийн үеийн дуу, дүрс хураах камер суурилуулснаар албан хаагч болон иргэдийн аюулгүй байдал хангагдана гэдгийг Цагдаагийн хоёрдугаар хэлтсийн дарга Д.Жанчивдорж онцлон хэлэв.
Уулзалтын үер Гэмт хэрэг зөрчлөөс урьдчилан сэргийлэх ажилдаа амжилт гарган үр бүтээлтэй ажилласан зургаан алба хаагчдад иргэдийн Төлөөлөгчдийн хурлын Хүндэт тэмдэг, өргөмжлөл гардуулан өглөө.
Мөн албан хаагчдын санал хүсэлтийг сонсож цаашид гэмт хэрэг зөрчлөөс урьдчилан сэргийлэх ажилд шаардлагатай тоног төхөөрөмж, техник хэрэгслээр дэмжин ажиллахаа ДИТХ-ын дарга илэрхийллээ.
