“Алсын хараа-2050” Монгол Улсын урт хугацааны хөгжлийн бодлого, Монгол Улсын Ерөнхийлөгчийн санаачилгаар хэрэгжүүлж буй “Эрүүл Монгол хүн” үндэсний хөдөлгөөн, СХД-ийн ИТХ-ын Тэргүүлэгчдийн тогтоолоор баталсан “Нийгмийн эрүүл мэнд” (2021-2024) төслийн хүрээнд нийгмийн эрүүл мэндийг дэмжих, хүн амын амьдралын чанарыг дээшлүүлэх, эрүүл дадал хэвшилтэй, идэвхтэй амьдралын хэв маягтай иргэн, гэр бүл, хамт олныг төлөвшүүлэх чиглэлээр дэвшүүлсэн бодлого, санаачилгыг хэрэгжүүлэх үүднээс Сонгинохайрхан дүүргийн ИТХ-ын даргын 2024 оны А/01 дүгээр захирамжаар "Эрүүл дадал-Идэвхтэй амьдрал” хөдөлгөөнийг дүүргийн хэмжээнд өрнүүлж, байгууллага, иргэдийг хөдөлгөөний хомсдолоос сэргийлэх, биеийн тамир, спортоор хичээллэж эрүүл зан үйлийг төлөвшүүлэх, бие бялдрыг хөгжүүлэх, зөв зохистой хооллолт, ажлын байр, амралт чөлөөт цагаар хийх дасгал хөдөлгөөнийг хэвшүүлж эрүүл ажлын байр, эрүүл өрх, эрүүл орчныг бүрдүүлэхэд идэвхтэй оролцох уриалгыг гаргасан.
Энэхүү уриалгыг дэмжиж Сонгинохайрхан Нэгдсэн эмнэлгийн хамт олноос санаачлан “Илүүдэл жингүй-Эрүүл чийрэг хамт олон” хөтөлбөрийг дүүргийн ИТХ-ын ажлын алба, Цагдаагийн газартай хамтран хэрэгжүүлэхээр өнөөдөр нээлтээ хийлээ.
