Хятад улс дэлхийн анхны замгүй галт тэргийг ашиглалтад оруулж, нийтийн тээврийг шинэ түвшинд гаргах эхлэл тавьж байна
Хятад улсын Хунань мужийн Жужоу хотод анхны замгүй галт тэрэг явж эхэлсэн нь тээврийн салбарт томоохон дэвшил болж байна.
Орчин үеийн дэвшилтэт технологиор тоноглогдсон энэхүү галт тэрэг ирээдүйн хөгжлийн том шийдэл болох нь дамжиггүй.
Эхний ээлжинд 3 вагонтой явж байгаад дараагийн удаад өргөтгөснөөр 5 вагон холбох боломжтой гэж үзэж байгаа юм байна.
Дэлхийн анхны замгүй галт тэрэгний онцлог:
• CRRC корпораци галт тэргэнд резинэн дугуйг ашигласан нь анхных,
• Замгүй галт тэрэгний нийт ашиглалтын хугацаа 25 жил хүрнэ гэж тооцоолж байна.
• Галт тэрэгний урт 32 метр бөгөөд 300 хүн тээвэрлэх хүчин чадалтай.
• Цахилгаанаар 10 минут цэнэглээд 25 км замыг туулах боломжтой.
• Хамгийн дээд хурд нь 70 км/цагт хүрдэг.
Замгүй галт тэрэгний зам: 3.75 метр өргөнтэй бөгөөд галт тэрэг нь тухайн замыг дагаж явдаг. Энэ нь зам дээр будагдсан, цэглэсэн шугамаар дүрслэгддэг юм байна.
• Мэдрэгчийн технологиор тоноглогдсон бөгөөд явган хүний зам болон бусад мэдээллийг таньж, өгөгдөл цуглуулах чадвартай.
• Энэ галт тэрэг нь нийтийн автобусны сайжруулсан хувилбар гэж харж болохоор гаднаасаа трамвайтай төстэй харагдана.
• Бие даасан төмөр зам шаардахгүй, харин хос толгойтой системээр ажилладаг тул эргэх шаардлагагүй.
Энэхүү галт тэрэг нь 4 сая орчим хүн амтай Жужоу хотод нийтийн тээврийн томоохон дэвшилт болж байна.
