Тодруулбал, 11 сарын 8-ны өдөр 11.00 цагийн орчимд Гимже-си хотын Бэксан-мён хотын тусгай зориулалтын автомашин үйлдвэрлэгч компанийн 30 гаруй насны монгол ажилчин тоног төхөөрөмжийн хооронд гацсан осол болсон талаар бид мэдээлэлсэн билээ. Тус мэдээг үзэхийг хүсвэл дараах холбоосоор орно уу. https://www.facebook.com/Recme...
Тэгвэл 11-22-нд тухайн осол болсон талаар нэвтрүүлэг Солонгосын Jtbc news телевизээр цацагдсан тухайн нэвтрүүлгийг товчхон орчуулан хүргэж байна.
[Сурвалжлагч] Канг Тэван /Монгол нэр Тайван/ 5 настайдаа Монголоос Солонгост цагаачилсан. Канг Тэван Солонгос хүн болж өссөн ч ямар ч бичиг баримтгүй “бүртгэлгүй цагаач хүүхэд” байжээ. Канг Тэван 32 настайдаа байнгын оршин суух зөвшөөрөл авахын өмнөхөн ажил дээрээ осолд орж амиа алджээ.
[Тайван ] Сайн уу. Би Монголоос ирсэн 32 настай Канг Тэван байна.
[Сурвалжлагч] Энэ залуу бол солонгос хүн. Солонгос хүн биш ч гарцаагүй солонгос хүн. 1997 онд ээжтэйгээ Солонгост иржээ. 5 настай цагаач хүүхэд бусад хүүхдүүдийн адил сургуульд явж, жинхэнэ нэр нь "Тайван" гэхээсээ илүү солонгосоор "Тэван" гэж өссөн юм. Тэрээр өөрийгөө цагаач гэдгээ хожим нь мэджээ.
[Тайван ] Би дунд сургуульд байхдаа найзтайгаа муудалцсан, манай найзын эцэг эх цагдаа дуудна гэж хэлсэн, манай ангийн багш цагдаа ирэхээр болбол Солонгосоос хөөгдөж болзошгүй гэж хэлж байсан. Тэр үед хууль бус цагаач гэдгээ мэдсэн.
[Сурвалжлагч] Хууль зүйн яам 2021 онд тус улсаас сайн дураараа гарсан бичиг баримтгүй цагаачдад дахин нэвтрэх боломж олгох, оршин суух эрхийг олгохоор шийдвэрлэсэн. Тэрээр өнгөрсөн 6-н сард байнгын оршин суух эрхээ аван Жооллабук-догийн Гимже хотын тусгай зориулалтын автомашины компанид ажилд оржээ. Гэвч Тэрээр 8-ны өдөр туршилт хийж байсан тоног төхөөрөмжийн завсарт хавчуулагдан харамсалтайгаар нас барсан юм. Залуу цалингаа авангуут ээжтэйгээ машинаар зугаална гэсэн ганцхан хүслээ биелүүлээд хорвоог харамсалтайгаар орхижээ.
Тайвантай ижил нөхцөл байдалд байгаа 20 мянган бичиг баримтгүй цагаач хүүхэд байдаг гэсэн тооцоо байдаг байна.
Эх сурвалж: https://news.jtbc.co.kr/articl...
Орчуулсан: Э.Тунгалаг
