Шүүхээс нийслэлийн Сүхбаатар дүүргийн ЗДТГ-ын даргын үүргийг түр орлон гүйцэтгэгч Н.Одончимэгийг 30 хоног хорих шийдвэрийг гаргасан ч 2024 оны аравдугаар сарын 22-ны өдөр ерөнхий шүүгчийн захирамжаар суллажээ. Тэрбээр одоогоор Монгол Улсын хилээр гарахыг хязгаарлах болон Улаанбаатар хотын нутаг дэвсгэрээс гарах хязгаарлалттай байгаа гэдгийг Сүхбаатар дүүргийн Эрүүгийн хэргийн анхан шатны шүүхээс мэдээллээ.
Нийслэлийн Сүхбаатар дүүргийн ЗДТГ-ын даргын үүргийг түр орлон гүйцэтгэгч Н.Одончимэгийг үргэлжлүүлэн хорих эсэхийг өнгөрсөн сард /2024.10.18/хэлэлцэж, шийдвэрээ гаргасан. Шүүхээс Н.Одончимэгийг 30 хоног үргэлжлүүлэн хорихоор шийдвэрлэсэн бол "Ванхүү" компанийн захирал Б.Боролзойхүү болон С.Гантөмөр нарыг суллаж, гадуур шалгахаар болсон байдаг.
Н.Одончимэг нь нэгдсэн эмнэлгийн барилгын ажлын тендертэй холбоотой 55 сая төгрөгийн авлига авч байгаад үйлдэл дээрээ баригдсан гэх мэдээлэл цацагдсан байдаг. Түүний гэрээс 400 сая төгрөг хурааж, 48 цаг саатуулсан талаар хуулийн байгууллага мэдээлж байв.
