Монгол Улсын Гавьяат багш С.Шаарийбуу Ерөнхий сайд Л.Оюун-Эрдэнэд хандан хүсэлт гаргажээ. Тэрбээр "Лалын шашинтны мацаг барьдаг, рамдан сарын тайлал хийдэг гэр бүлийн баяр, хүн төрөлхтөн эхийн ачийг хариулдаг өдрийг сонгон, хоёр хүүхдийн эх, миний охин Алтантуяагийн амь насыг 2006 оны аравдугаар сарын 19-нд Малайз улсад хууль бусаар хөнөөснөөс хойш 19 жилийн хугацаа өнгөрлөө. Хэргийг удирдсан Малайз улсын ерөнхий сайд асан Нажиб Разак, түүний улс төрийн зөвлөх, хэргийн захиалагч Разак Багинда, Батлан хамгаалах салбарынх нь өндөр албан тушаалтан Муса Сафри, зэвсэг авах зөвшөөрөл олгогч нарын үйлдэл нотлогдож, хэргийг гардан үйлдсэн Азилах Хадри, Сируд Умар нарыг цаазлуулан гэрчгүй болгож, хэргээс мултрах шийдвэр гаргуулснаа хэрэгжүүлэхээр зүтгэж байсан ба зөвхөн ерөнхий сайдынхаа өгсөн даалгаврыг гүйцэтгэсэн Азилах Хадри ял эдлэн, Сирул Умар болон захиалагч этгээдүүд эрх чөлөөтэй явж байна. Малайз улс нь цаазаар авах ялын зарим хэсгийг өөрчлөх шийдвэрийг 2023 онд гаргасан байна.
Хэргийн нөхцөл байдал дээрх байдалтай 19 жилийн хугацаанд шийдэгдэхгүй байгаад анхаарал хандуулахыг хүсэн, миний бие танд дараах мэдэгдлийг хүргүүлж байна.
Дээрх асуудлуудад эрхэм Ерөнхий сайд Л.Оюун-Эрдэнэ та анхаарлаа хандуулахыг хүсч, танд хүсэлтээ хүргүүлж байна гэжээ.
