ӨМГӨӨЛӨГЧ НАРЫН ХҮСЭЛТЭЭР "НОГООН АВТОБУС"-НЫ ШҮҮХ ХУРАЛ ИРЭХ САРЫН 6 ХҮРТЭЛ ХОЙШИЛЛОО

"Ногоон автобус"-ны гэх хэргийн шүүх хурал ирэх арваннэгдүгээр сарын 6 хүртэл хойшиллоо.

Хойшлуулах хүсэлтийг шүүгдэгч нарыг өмгөөлөгч гаргасан. Нэг өмгөөлөгч эрүүл мэндийн шалтгаантай, хоёр өмгөөлөгч өөр шүүх хурал давхацсан гэж мэдээлжээ.

Эргэн сануулахад, прокурорын байгууллагаас “Нийслэлийн Засаг даргын Тамгын газар болон Худалдан авах ажиллагааны газрын эрх бүхий албан тушаалтнууд 2023 онд нийслэлийн өмчийн хөрөнгөөр 600 ширхэг автобус худалдан авах ажиллагааг зохион байгуулахдаа хууль зөрчиж, бусдад давуу байдал бий болгосон” гэх хэрэгт,

• Эрүүгийн хуулийн 22.1 дүгээр зүйлийн 1, 3 /Эрх мэдэл, албан тушаалын байдлаа урвуулан ашиглах/
• 17.3 дугаар зүйлийн 2.2 /Залилах/,
• 22.12 дугаар зүйлийн 1 /Хуулийн этгээдийн эрх мэдлийг урвуулан ашиглах/-д зааснаар яллах дүгнэлт үйлдэн Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд шилжүүлсэн.

Хэрэгт УИХ-ын гишүүн, түгжрэлийн сайд асан Ж.Сүхбаатар нарын 24 хүн холбогдсон юм.