Эгийн голын УЦС барина гэж цагаан дээр хараар бичсэнээс даруй 33 жилийн нүүрийг үзжээ. Бүр тодруулбал, 1991 оны хавар Азийн хөгжлийн банкны экспертүүд Эгийн голын УЦС-ын төслийг эхлүүлэх нь зүйтэй гэсэн судалгааг гаргаж байжээ.
Тэгвэл Л.Оюун-Эрдэнийн тэргүүлсэн хамтарсан Засгийн газрын үед гацаанаас гарах нь гэх найдлага төрж байгааг судлаачид бичиж эхэлжээ. Учир нь өнгөрсөн долоо хоногт Байгаль орчин, уур амьсгалын өөрчлөлтийн сайд С.Одонтуяа Москвад ажилласан байна. С.Одонтуяа сайдын хувьд Эгийн голын УЦС байгуулахтай холбогдуулан байгаль орчны үнэлгээ хийх ажлын хэсгийн Монгол талыг ахалж байгаа.
Тэгвэл энэ удаад С.Одонтуяа сайд Усны газрын дарга З.Батбаяр, Одон орон, геофизикийн хүрээлэн захирал академич С.Дэмбэрэл нарын хамт ОХУ-ын Байгалийн наац, экологийн сайд А.А.Козловын урилгаар Москвад очиж, албан ёсны уулзалт хийсэн байна. Ингэхдээ Эгийн голын УЦС байгуулахад байгаль орчинд нөлөөлөх нөлөөллийн хамтарсан судалгааны ажлыг эхлүүлэх талаар тохиролцоонд хүрч, төлөвлөгөө гарган баталгаажуулахаар болжээ.
