ӨНӨӨ ОРОЙНООС 120 МЯНГАТААС И-МАРТ ОРЧМЫН ЗАМЫГ ХААЖ, ШИНЭЧИЛНЭ

Яг одоо нийслэлийн хоёр хэсэгт зам засварын ажил явагдаж байна. Тодруулбал

• Баянзүрх дүүрэг, 13, 37, 42 дугаар хороо, Нарны зам, Өгөөмөр захаас Чулуун овооны тойрог хүртэлх авто замын хэсэгчилсэн засвар, шинэчлэлийн ажил 2024 оны есдүгээр сарын 21-ний 23:00 цагаас есдүгээр сарын 24-ний 06:00 цагийн хооронд
• Хан-Уул дүүрэг, 17 дугаар хороо, Их Монгол улсын гудамжны авто зам, Их тэнгэрийн уулзвараас “И-Март” худалдааны төвийн уулзвар хүртэлх авто замын хэсэгчилсэн засвар, шинэчлэлийн ажил есдүгээр сарын 22-ны 23:00 цагаас есдүгээр сарын 26-ны 06:00 цагийн хооронд тус тус хэрэгжиж байна.

Мөн өнөө оройноос Хан-Уул дүүрэг, 120 мянгатын уулзвараас “И-МАРТ” худалдааны төв хүртэлх авто замыг хэсэгчилсэн  хааж засвар, шинэчлэлтийн ажлыг хийж гүйцэтгэнэ. 

Торуулбал, хойд хэсгийн замыг есдүгээр сарын 23-ны өдрийн 23:00 цагаас есдүгээр сарын 26-ны 06:00 цагийн хооронд, урд хэсгийн замыг есдүгээр сарын 26-ны 23:00 цагаас есдүгээр сарын 28-ны 06:00 цагийн хооронд хааж, шинэчлэхээр болжээ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.