НИТХ-ын ээлжит XXIII хуралдаан өчигдөр болж нийтийн эдэлбэр газрын байршил, хэмжээг тогтоох талаар хэлэлцлээ.
Өнгөрсөн онд нийслэлийн 8 дүүрэгт гарааш чөлөөлж, газрын зөрчил арилгах арга хэмжээ авсан бол 21 байршилд 5.2 га газрыг нийтийн эдэлбэр газраар тогтоосон. Тухайлбал, 2 байршилд хүүхдийн тоглоомын талбай, 6 байршилд тохижилт бүхий ногоон байгууламж, 13 байршилд авто машины зогсоолын тохижилт хийх аж. Ийнхүү НИТХ-ын хуралдаанаар Нийтийн эдэлбэр газрын байршил, хэмжээг тогтоох тухай тогтоолын төслийг 83.3 хувийн саналаар дэмжиж, баталснаар нийслэлд хүүхдийн тоглоомын талбай, ногоон байгууламж, авто машины зогсоолын тохижилт хийх 21 байршилд газрын асуудлыг шийдлээ.
Тухайлбал, Баянгол дүүрэгт 16 байршилд нийт 2.71 га, Баянзүрх дүүрэгт 1 байршилд 0.42 га, Сонгинохайрхан дүүргийн 4 байршилд 2.06 га газрыг тус тус шийдвэрлэв. 2019 оноос хойш нийслэлийн хэмжээнд нийт 287 байршлын 293.56 га газрыг нийтийн эдэлбэр газарт бүртгээд байна.
Цаашид нийтийн эдэлбэр газруудад дараах арга хэмжээг авахаар төлөвлөжээ.
