ЗУРАГТЫН ЗАМ ЗАСВАРТАЙ ХОЛБООТОЙГООР 7 ЧИГЛЭЛД ТҮР ӨӨРЧЛӨЛТ ОРУУЛНА

Авто замд өргөтгөл, шинэчлэлтийн ажил хийгдэхтэй холбоотойгоор нийтийн тээврийн зарим чиглэлүүдэд богино эргүүлэх зохицуулалт хийгдэхээр болжээ

Чингэлтэй дүүргийн 7 дугаар хороо, Хувьсгалчдын гудамжны авто замыг 2024 оны 09 дүгээр сарын 13-ны өдрийн 22:00 цагаас 09 дүгээр сарын 16-ны өдрийн 06:00 цагийн хооронд хэсэгчилсэн өргөтгөл, шинэчлэлтийн ажил хийгдэхтэй холбоотойгоор хааж байгаа тул нийтийн тээврийн 7 чиглэлд түр өөрчлөлт оруулахаар төлөвлөсөн байна. Тодруулбал тухайн авто замаар зорчдог нийтийн тээврийн чиглэлүүд болон том оврын автобуснууд хороолол дундуурх нарийн замаар явах боломжгүй тул Баянхошууны зам, Энхтайвангийн өргөн чөлөөгөөр тойрох, Эх нялхсын гудамжаар богино эргэх зэрэг зохицуулалт хийгдэх аж. Иймд иргэн та чиглэл харахдаа “UB smart bus” апликейшн дээр Z, -Z тэмдэглэгээтэйг сонгож харах боломжтой.

• Ч:20А-Z “Баянхошуу-3,4 хороолол-Өнөр хороолол-/араар/ Геологийн төв лаборатори-МҮИС”
• Ч:20Б-Z “Баянхошуу-Геологийн төв лаборатори-3,4 хороолол- МҮИС”
• Ч:41Z “Баруун салаа-Жанцан дэлгүүр”
• Ч:41-Z “Халдварт-МҮИС”
• Ч:43Z “Баянхошуу-Ард кинотеатр-Бөмбөгөр худалдааны төв”
• Ч:54Z “Яармаг-10 хороолол-3,4 хороолол-МҮИС”
• Ч:48Z "Зүүн салаа-Чингэлтэй дүүрэг-МУБИС"
• Ч:48А-Z Зүүн салаа-Шинэ зам-Чингэлтэй дүүрэг-МУБИС