Паралимпод жудо бөхийн -90 кг-ын жинд барилдах байсан манай тамирчин Б.Баттөгсөөс Монголд явцын шинжилгээ авахад допингийн төрлийн бодис илэрсэн талаар бид өмнө нь мэдээлсэн. Тэгвэл энэ мэдээлэл үнэн гэдгийг албаны эх сурвалж баталлаа.
“Парис 2024” паралимын наадмын жудо бөхийн төрөлд цагаан хуудсаар оролцож буй хоёр тамирчнаас яаралтай шинжилгээ авч байталгаажуулахыг Олон улсын допингийн эсрэг байгууллагаас үүрэг болгосны дагуу Монголын үндэсний допингийн эсрэг байгууллага /МҮДЭБ/-аас 7 сарын 29-нд шинжилгээ авсан байна. Шинжилгээний хариу ирмэгц мэдээллийг нягтлаад 8 сарын 28-нд тамирчинд мэдэгдсэний дагуу 8 сарын 30-нд тамирчин болон дасгалжуулагчид МҮДЭБ-д биечлэн ирж уулзжээ. Тэр үед шинжилгээгээр тамирчнаас хориглосон бодис илэрсэн гэсэн мэдэгдлийг өгч, 7 сарын 29-өөс хойш оролцсон бүх тэмцээний амжилт хүчингүйд тооцогдох төдийгүй дараа дараагийн тэмцээн уралдаанд оролцох эрхийг түдгэлзүүлсэн аж.
Гэвч паражудогийн холбоо тамирчнаа тэмцээнд явч явж байгаа болон парист очиж бэлтгэл хийж буйг тус холбооны ерөнхийлөгч Ц.Жадамбаагийн фэйсбүүкт оруулсан зураг видеоноос мэдэж яаралтай арга хэмжээ аван тухайн тамирчинг олимпын хотхоноос гаргуулсан байна.
Дэлгэрэнгүйг утсаар авсан тодруулгаас үзнэ үү.
