Дэлхийн томоохон тайзуудыг уран тансаг, уян налархай хөдөлгөөнөөрөө гайхуулдаг Монголын уран нугараачид анх удаа олон улсын уран нугараачидтай хамтарсан “Уран тансаг” тоглолтоо Монголын үзэгчиддээ зориулан тоглох гэж байна. Тодруулбал, олон улсын уран нугараачдын форум анх удаа Монгол улсад зохион байгуулагдахаар болжээ. Монголын уран нугараачдын холбооны санаачлагаар, НЗДТГ-ын дэмжлэгтэйгээр зохион байгуулагдах гэж буй уг форум нийслэлийн “Улаанбаатар театр”-т есдүгээр сарын 7,8-ний өдрүүдэд болно. Тоглолтод Монгол, АНУ, Япон зэрэг орны шилдэг уран нугараачид оролцох юм байна.
