Сүүлийн үед эцэг, эхчүүд хувийн сургуулиудыг сонгож хүүхдээ суралцуулах нь ихэссэн. Англи хэл, хятад хэл, математик гэх зэргээр төрөлжсөн сургуулиудын эрэлт нэмэгдэхийн хэрээр сургалтын төлбөр нь ч жилээс жилд нэмэгдсээр буй.
Хувийн сургуулиудын үнэд Боловсролын яам болон холбогдох төрийн байгууллагаас хяналт тавих тогтолцоо байдаггүйгээс үүдэлтэйгээр “хяналтгүйгээр” ийн төлбөр өссөөр, эцэг эхчүүдийн нуруун дахь ачаалал нэмэгдсээр.
Уг нь бол хувийн дунд сургуулиудын нэгдсэн холбоо гэх байгууллага байдаг бөгөөд энэхүү холбоонд 80 гаруй сургууль бүртгэлтэй байдаг ч сургуулиудын сургалтын төлбөрөө нэмэх эсэхэд хяналт тавих боломжгүй байдаг аж.
Манай улсад 180 орчим хувийн бага, дунд сургууль үйл ажиллагаагаа явуулдаг байна.
Яаармаг орчимд үйл ажиллагаа явуулж буй хувийн сургуулиудын төлбөр 8 саяаас 72,2 сая төгрөгийн ханштай байгаа бол хамгийн хямд нь 4,5 сая, дундаж нь 8-15 сая орчим төгрөгийн төлбөртэй байна.
