Монгол Улс эрчим хүчний маш их хомсдолд орчихоод байгаа. Үүнийгээ ч эрх баригчид хүлээн зөвшөөрч эрчим хүчний реформыг эхлүүлнэ гэдгээ хэлээд буй. Гэхдээ энэ реформ нь ард иргэдийнхээ халаасыг тэмтэрсэн, нуруунд нь дарамт нэмсэн асуудал болж хувирах нь нэгэнт тодорхой болсон. Өөрөөр хэлбэл цахилгааны тарифыг нэмж алдагдлыг нөхнө гэдгээ мэдэгдсэн.
Цахилгааны асуудал өнөөдөр гэнэт үүсээгүй. Хэзээнээс бид тогны хувьд гаднаас хараат байсаар ирсэн. Энэ хугацаанд алдагдлыг багасгах, дотоод хэрэгцээгээ хангах боломжуудыг нэмэгдүүлэх тал дээр төдийлөн дорвитой зүйлсийг хийхгүй байсаар одоо хамраараа газар хатгах дээрээ тулаад буй.
Тэгвэл яг цахилгаан эрчим хүчний асуудал дээрээ ямар бодлого барьж, ямар замналаар явж ирсэн талаар Эрчим хүчний сайд асан, энэ салбарын асуудалд анхаарал хандуулж дуугардаг цөөн хүмүүсийн нэг, УИХ-ын гишүүн Ц.Даваасүрэнтэй ярилцлаа.
