Ерөнхий сайдыг томилохтой холбоотойгоор гишүүд асуулт асууж, хариулт авч байна.
УИХ-ЫН ГИШҮҮН Х.ТЭМҮҮЖИН:
- Анх Авлигатай тэмцэх газрыг тодорхойгүй байгуулсан бол 2019 оны Үндсэн хуулийн өөрчлөлтөөр Ерөнхий сайдын эрх мэдэлд очсон. Гэтэл хөрөнгө орлогын мэдүүлэг, соён гэгээрүүлэх чиг үүрэг нь парламентын хяналтын хамгийн чухал чиг үүрэг байдаг.
Мөрдөн шалгах болон соён гэгээрүүлэх чиг үүрэг нэг байгууллагад давхцаж олгогдож болдоггүй. Нэг байгууллагад энэ чиг үүргийг өгснөөр мөрдөн шалгасан нотлох баримтаа шүүх рүү зөөх биш хэвлэл рүү мэдээ гаргаж намнадаг болчихсон.
Тиймээс мөрдөн шалгах болон соён гэгээрүүлэх чиг үүргийг салгах ёстой.
