Хөвсгөл аймгийн Жаргалант сум 5600 гаруй хүн амтай ба сумын төвлөрсөн хогийн цэг нь 3 га газар боловч тархалт нь 31,6 га-д хүрчээ.
Сум үүсгэн байгуулагдсанаас хойш уг хогны цэг үүссэн бөгөөд уулын энгэрт байрладаг. Суурьшлын бүс рүү хогны өмхий үнэр тархаж иргэдийн эрүүл аюулгүй орчинд сөргөөр нөлөөлөх болжээ. Мөн хэрвээ шар усны үер болвол энэ их бохирдол Идэрийн гол руу урсах эрсдэлтэй байгаа аж. Иймд олон жил үүссэн хур хогны цэгийг цэвэрлэж, хөрсийг нь сэргээх ажлыг эхлүүлжээ.
Энэхүү хогийн цэгийн га талбай нь жил ирэх тусам нэмэгдэж байгаа бөгөөд нийт хогны 79 хувь нь модны хаягдал, малын сэг зэм эзэлж байна.
