"Их бит" ХХК-ийн үйл ажиллагаа хариуцсан захирал О.Мөнхжин нарт холбогдох хэргийн урьдчилсан хэлэлцүүлэг 5 сарын 17-нд /2024.05.17/ Сүхбаатар дүүргийн Эрүүгийн хэргийн анхан шатны шүүхэд болж шүүхээс тус хэргийг прокурорт буцаасан байдаг.
Тэрээр өөрийн цахим хуудсандаа сонгууль өгөх эрхгүй болсон талаараа мэдээлжээ. Тодуулбал,
"Сонгууль өгөx эрxгүй болжээ!
https://election.burtgel.gov.mn - оор орж өөрийн сонгогчийн мэдээллийг сонирxлоо. Тэгсэн чинь сонгуулийн xуулийн 20.6.3- аар сонголт өгөx боломжгүй болгожээ! Тэр нь ямар заалт байна гээд https://legalinfo.mn/mn/detail/14869 ороод xартал 60 болон түүнээс дээш xугацаагаар гадаадад зорчсон гэнэ.
Xилийн xориотой 1 жил xагас болж байгаа юмсан. Алдаг юм байна.
Яаж сонгуулиа өгөx үү? Өгмөөр байна!
Xэрэв та сонгуулийн насны иргэн бол заавал https://election.burtgel.gov.mn- оор орж өөрийн мэдээллээ шалгаарай! Мөн танай xаяг дээр ямар xүмүүс байна вэ! Xянаарай.
Маш олон залуусыг сонгууль өгүүлэxгүй байж магадгүй шүү." гэжээ.
Энэ асуудлаар бид Сонгуулийн ерөнхий хорооноос тодруулахад:
"Мэдээлэл нь зөрүүтэй бол мэдээлэл зөрүүтэй гэдэг сонголтыг хийгээд шалгуулаад засуулна. Зургаадугаар сарын 14-өөс өмнө өмнө шалгаад гомдлоо гаргах ёстой" гэлээ.
УИХ-ын сонгуулийн тухай хуулиас:
20.11.Сонгогч сонгогчдын нэрийн жагсаалтад бүртгэгдсэн эсэхээ санал авах өдрөөс 14-өөс доошгүй хоногийн өмнө шалгасан байвал зохино.
23.1.Сонгогч сонгогчдын нэрийн жагсаалт дахь өөрийн болон гэр бүлийн гишүүний мэдээлэлтэй танилцах эрхтэй бөгөөд сонгогчдын нэрийн жагсаалтад бүртгэгдээгүй, эсхүл буруу бүртгэгдсэн бол өөрийн болон гэр бүлийн гишүүний нэрийн өмнөөс гомдлоо итгэмжлэгдсэн ажилтан, эсхүл улсын бүртгэлийн байгууллагад санал авах өдрөөс 14-өөс доошгүй хоногийн өмнө бичгээр болон цахимаар гаргана.
