Б.Нямтайшир /Хүрэн толгой коал майнинг ХХК-ийн ТУЗ-ийн дарга/: Нарийн сухайт, Хүрэн толгой хоёр компани байгаа. Анх улсын төсвийн хөрөнгөөр хайгуул, зураглалын ажил явагдаж байсан. Тухайн үед Ашигт малтмалын газар, Сангийн яамны аргачлалын дагуу 82457 ам доллар гарсан. Үүнийг 100 хувь эргэн төлсөн. Түүнээс гадна өөрсдөө 2008-2013 онд хайгуул хийж Эрдэс баялагийн зөвлөлөөр А, В, С зэрэглэлээр тогтоолгоход 12,1 тэрбум төгрөг зарцуулсан.
Өнөөдөр "Хүрэн толгой" компани 28 сая тонн нөөцөөс ашиглалт явуулаад 11 сая орчим тн нөөцийн үлдэгдэл байгаа. Уурхайн хүчин чадлаараа явахад 2 жил ашиглаад дуусна. Тэгээд энэ ордыг хаана.
Нарийн сухайтын хувьд нэг л хайгуулын лиценз эзэмшиж байсан. Үе шаттай хайгуулын ажлыг явуулсаар байгаад жил болгон ашиглалтын нөөц бэлтгэж, ашиглалтын лицензүүд авсан. Одоо таван ашиглалтын лиценз байдаг. Гэхдээ энэ нэг орд гэсэн үг. Энэ дээр тусгайлсан эзэмшигч байхгүй.
МАК групп өөрийнхөө бүрэлдэхүүнд хөрөнгө оруулалт хийж нүүрс экспортын үйл ажиллагаа явуулдаг. Бид хуулийг судалж байгаа. Хуулиар нэг жилийн хугацаа өгсөн. Цаашид тусдаа компани болгох асуудлыг судалж байна.
