Ашигт малтмалын лицензтэй холбоотой асуудлуудыг хянан шалгах сонсгол стратегийн ордуудтай холбоотой асуудлаар үргэлжлэн явагдаж байна.
УИХ-ын гишүүн Б.Энх-Амгалан: Тавантойлгой орд, Нарийн сухайт, Багаануур, Шивээ-Овоо, Мардай, Гурванбулаг, Төмөртэй, Цагаан суварга, Эрдэнэт, Бүрэн хааны фосфоритын орд, Бороо, Төмөртийн овоо, Асгат зэрэг нүүрсний орд улсын төсвийн хөрөнгө оруулалтаар хайгуул хийж нөөцийг нь тогтоосон гэдэг мэдээллийг шинжээч нар өгсөн. Ашигт малтмалын тухай хуулиар улсын төсвийн хуулиар нөөцийг нь тогтоосон ордын хувьцааны 50 хүртэлх хувийг төр эзэмшихээр заасан байдаг. Энэ талаар компаниудын байр суурийг сонсъё.
Г.Батцэнгэл /Монголиан майнинг Компанийн гүйцэтгэх захирал, тухайн үеийн Энержи Ресурс ХХК-ийн гүйцэтгэх захирал байсан/: Ашигт малтмалын тухай хуулийн 5,3-т ашигт малтмалын ордын төрийн эзэмшлийн хувт хэмжээг тухайн ордыг ашиглах гэрээгээр зохицуулна гэж заасан байгаа. Энержи Ресурсын хувьд анх Тавантолгойн ордод 6 лиценз эзэмшиж байсан. Стратегийн ордны хувьд Тавантолгойн бүлэг ордод хамарч байгаа. 2007,2008 онд орд ашиглахтай холбоотой гэрээ хэлцлийг тухайн үеийн Засгийн газартай хийсэн. Энэ дагуу Энержи ресурсын нэр дээр байсан ашиглалтын 6 лицензийн тавыг нь төрийн мэдэлд шилжүүлж өгсөн. Таван толгойн бүлэг ордны нөөцийн 80-90 хувь нь Эрдэнэс тавантолгой төрийн өмчити компанийн мэдэлд байгаа. Энэ тоо нөөц дээр үндэслээд харахад дийлэнх нь төрийн мэдэлд шилжсэн.
