Ашигт малтмалын тухай хуулийн 4.1.12-т “стратегийн ач холбогдол бүхий ашигт малтмалын орд гэж үндэсний аюулгүй байдал, элсын эдийн засаг, нийгмийн хөгжид нөлөөлөх хэмжээний, эсхүл жилд Монгол Улсын Дотоодыэ нийт бүтээгэдхүүний 5 хувиас ддээш хэмжээний бүтээгдэхүүн үйлдэрлэж байгаа буюу үйлдвэрлэх боломжтой ордыг ойлгоно” гэж заасан байдаг. Энэ дагуу УИХ-аас стратегийн ордын жагсаалтыг баталсан.
УИХ-ын 2007 оны 27-р тогтоолоор стратегийн ач холбогдол бүхий ордуудын жагсаалтыг баталсан байдаг. Нэгдүгээр хавсралтаар 16, хоёрдугаар хавсралтаар 39 ордыг баталсан байдаг.
УУХҮЯ-ны Уул уурхайн бодлогын хэрэгжилтийн газрын дарга М.Мэндбаяр: Анх Ашигт малтмалын тухай хууль 2006 онд батлагдаад 2007 оны 7-р сараас хэрэгжиж эхэлсэн. Энэ үед 2007 оны 27-р тогтоолоор тодорхой ордуудыг стратегийн ач холбогдолтой ордуудад хамруулах тухай шийдвэр гарсан. Тухайн үед 1-р хавсралтаар 15 ордыг стратегийн ордод хамруулахаар заасан байсан. Дээр нь сүүлд 2015 онд Гацууртын ордыг нэмснээр 16 орд болсон. Энэ нь өнөөдөр хүчин төгөлдөр стратегийн орд гэж тооцогддог.
Хоёрдугаар хавсралтын 39 ордыг стратегийн ордод хамруулах эсэх талаар судалж үзэж Засгийн газарт эргэн танилцуулах үүрэг өгөгдсөн. Өөрөөр хэлбэл стратегийн орд биш, гэхдээ шаардлага хангах эсэхийг нь судалж байж 39 ордоос 1-р хавсралтруу шилжүүлэхийг үүрэгжүүлсэн байдаг. Мөн 27-р тогтоолд бусад ордуудыг стратегийн ордод хамруулах тухай судалж танилцуул гэсэн чиглэл өгөгдсөн байдаг тул тухайн үед 39 орд дээр судалгаа хийж 19 ордыг оруулахаар Засгийн газраар хэлэлцүүлээд УИХ-д өргөн барьсан ч тухайн үед УИХ-аас дэмжигдээгүй байдаг.
