УИХ-ын 2024 оны сонгуульд би анхнаасаа намын жагсаалтаар нэр дэвших хүсэлтээ өгсөн байсан. Учир юу гэхээр сонгуулийн томсгосон тойргууд дээр хувь нэр дэвшигчээс гарах зардлын хэмжээ асар нэмэгдсэн. Энэ утгаараа хувьдаа бизнесгүй, академик салбараас орж ирсэн гишүүний хувьд санхүүжилт гол бэрхшээл байсан учраас намын жагсаалтаар дэвших хүсэлтээ өгсөн.
Манай намын хувьд удирдах төвшний бодлого дээрээ нийгмийн төлөөллийг нэр дэвшигчдийн жагсаалтад оруулна гэдгээрээ УИХ-ын гишүүд болон сайд нарыг тойрогт өрсөлдүүлэх ийм шийдвэр гарсан учраас мини хувьд намаас жагсах боломжгүй болсон.
Сонгуульд хөрөнгө мөнгөний нөлөө асар их байсаар ирсэн. Иймд бид сонгуулийн хуулийг батлахдаа сонгуульд хувь нэр дэвшигчээс гарах зардлыг альболох багасгахын тулд нэгдсэн сурталчилгааны самбаруудтай байна, тухайн тойрогт ажиллах ухуулагч нарын тоог багасгах, ухуулагчийн урамшуулал цалинг хөдөлмөрийн хөлсний доод хэмжээний 50 хувиас хэтрэхгүй байна гэх зэргээр тодорхой хязгаарлалтыг хийсэн байсан. Гэвч тойрог томорсноор зардал дагаад өссөн.
Жишээлбэл би Сүхбаатар, Чингэлтэй дүүргийн тойргоос нэр дэвшихийн тулд 518 ухуулагчийг ажиллуулна. Үүний тулд зөвөн ухуулагчийн цалинг хөдөлмөрийн хөлсны доод хэмжээний талаар буюу 330 мянгаар бодохоор 170 сая төгрөг болно. Мөн ухуулагчийн өдрийн хоол, тухайн тойрог дахь айл өрхөд тараагдах сурталчилгаа гэхээр асар их зардал гарахаар байгаа. Энэ тойргийн хувьд 77 мянган өрхтэй. Эдгээр өрхүүдэд ухуулгын сурталчилгааг тараах зэрэг маш өндөр зардал гарах учир торгоос нэр дэвших боломжгүй байсан.
