УИХ-ын чуулганы ээлжит хуралдаан эхэллээ. Өнөөдрийн хуралдаанаар Малчны тухай, Олон хүүхэд төрүүлж өсгөсөн эхийг урамшуулах тухай зэрэг хуулийн төслүүдийг хэлэлцэнэ.
УИХ-ЫН ГИШҮҮН Д.ТОГТОХСҮРЭН:
-Баахан Малчны тухай хуультай болсон юм шиг харагдаж байна. Байнгын хороо энэ асуудал дээр тогтож, зарим зүйлээ нэгтгэх хэрэгтэй. Бид нийгэмд маш том хүлээлт үүсгэчихлээ. Малчид зудын асуудлаар хүнд байгаа ойлгож байгаа. Байгаль, цаг уур маш эрсдэлтэй болсон. Малын түүхий эдийн орлого, үнэ муу байна. Энэ асуудалтай холбогдуулж л хуулиуд хэлэлцээд явж байна. Гэтэл Засгийн газар дөрөвдүгээр сард шийдвэр гаргаад малчдын зээлийг нэг жилээр хойшуулна. Хойшлуулсан зээлийн хүүгийн 75 хувийг төрөөс төлөх болоод зарлачихсан. Гэтэл энэ шийдвэр одоо хүртэл хэрэгжихгүй. Малчдад хүлээлт үүсээд, орон нутагт энэ асуудал огт хэрэгжихгүй байна.
