Өчигдөр \2024.05.09\ Баянзүрх дүүргийн нутаг дэвсгэрт хоёр хүүхэд угаартаж нас барсан хэрэг гарчээ.
Тодруулбал, "Өчигдөр 13 цагийн орчимд Газарчин гудамжны ... тоотод хоёр хүүхэд угаартаж нас барсан гэх дуудлага мэдээлэл бүртгэгджээ. Дуудлагын дагуу цагдаагийн алба хаагчдыг очиход дөрвөн настай И.М, нэг настай Т.А нар ил харагдах гэмтэл шархгүй, угаартаж нас барсан байжээ.
Энэ хэргийн талаар ЦЕГ-аас тодруулахад, "Одоогоор тус хэргийг БЗД-ийн Цагдаагийн нэгдүгээр хэлтэс шалгаж байна. Хэргийн талаар дэлгэрэнгүй мэдээлэл өгөх боломжгүй" гэлээ.
Он гарсаар эхний гурван сарын байдлаар 823 хүн угаартаж, 16 хүн амиа алдсан гэх харамсалтай статистик бий. Өнгөрөгч сард л гэхэд Төв аймгийн Баянхангай суманд нэг айлын гурван хүүхэд угаартаж 2 болон 16 настай хоёр хүүхэд нь өөд болж, 18 настай эгч нь сэтгэлийн гүн шарх амсч өөрийгөө буруутгах болсон.
Утаагүй гэх сайжруулсан түлшнээс болж энх цагт ингэж олноор амиа алдсаар атал энэ түлшний чанар стандартыг ярьдаггүй, хохирсон иргэддээ эмгэнэл илэрхийлж, өршөөл эрдэггүй дүлий төртэй. Ингээд бид энэ түлшинд амиа алдсан иргэдээ зөвхөн тоолсоор л суух уу?
