Засгийн газрын хуралдаанаас гарсан шийдвэрийг танилцууллаа.
Мэдээллийн эхэнд Сангийн сайд Б.Жавхлан "Өнөөдрийн засгийн газрын хуралдаанаар түүхэн тогтоол батлагдлаа. Үндсэний баялагийн сангийн хуулийг хэрэгжүүлэх зарим арга хэмжээний тухай тогтоолыг баталлаа.
Үндэсний баялгийн сан нь
Өнөөдөр Засгийн газрын тогтоолоор хуримтлалын санд онцлох тогтоол батлагдаж 2023 онд орлого бүрдүүлэх үүрэг бүхий "Эрдэнэс Монгол" ХХК-ийн нэр дээр 2023 оны 500 тэрбум төгрөг хүртэлх төрийн өмчит компаниудын 34 хувийн ноогдол ашиг буюу 500 тэрбум төгрөг хүртэлх эх үүсвэрийг уг санд хуримтлуулж тэр даруйд орон сууцны хөтөлбөрийг эргэлтийн хөрөнгийг санхүүжүүлэхээр шийдвэрлэлээ.
Монгол Улс хамгийн өндөр ипотек гаргаж байсан буюу ковид 19 халдварын үе 2021, 2022 онд 750 тэрбум төгрөг гаргаж байсан. Энэ жил Монголбанкны тооцоолсноор төв банк 500 хүртэл тэрбум төгрөг, эргэн төлөлтөөс 200 тэрбум төгрөг хүртэл нэмээд дээр дурдсан ноогдол ашгийн 500 тэрбум төгрөгийг нэмэгдүүлбэл нийт 1.2 их наяд төгрөгийн ипотекийн зээлийн эргэлтийн эх үүсвэртэй болж байна гэсэн үг. Энэ нь хэзээ ч хуримтлуулж байгаагүй боломж. Арилжааны банкуудаас судалгаа авахад 17 мянган иргэний хүсэлт судлагдаж байна. Жилд 5-6 мянган зээл гардаг. Эх үүсвэрийг нэмэгдүүлбэл иргэд банкны шалгуур хангаснаар 10 мянган иргэн орон сууцтай болох боломжтой тогтоол батлагдлаа. Ирэх даваа гарагаас сангууд нээгдсэн. Төв банк эх үүсвэрүүдээ удирдаж банкуудад хуваарилалт хийнэ" гэлээ.
Хуримтлалын нэгдсэн сангийн орлогын эх үүсвэрээр ипотекийн зээлийн боломжийг нэмэгдүүлэх шийдвэр өнөөдөр гарч байна. Урд өмнө нь 750 тэрбум төгрөг ипотект зарцуулагддаг байсан. Орлогын эх үүсвэр хангалттай биш учир квоттой явж ирсэн. Хуримтлалын нэгдсэн сангаас 500 тэрбум төгрөг нэмэгдэж орсноор орон сууцны ипотекийн зээл квот арилж байна гэсэн үг. Орон сууцныхаа хүсэлтийг өгөөд шаардлага хангаж байгаа иргэн бүр энэ зээлд хамрагдах нөхцөл нь нээгдэж байна.
