Өмгөөлөөгч Г.Батбаяр энэ сарын 21-ний өдөр гэрээсээ гараад ор сураггүй алга болсон тул түүний төрсөн дүү Н дөрөвдүгээр сарын 25-ны 00:57 цагт Чингэлтэй дүүргийн цагдаагийн нэгдүгээр хэлтэст хандсан байдаг. Мэдээллийн дагуу цагдаагийн байгууллага дөрөвдүгээр сарын 25-нд эрэн сурвалжлах ажиллагааг улс даяар яаралтай эхлүүлж дөрөвдүгээр сарын 26-ний өдөр Хан-Уул дүүргийн 22 дугаар хороо, Богдхан амралтын газар орчмоос өөрийн эзэмшлийн авто машиндаа амь хохирсон байдалтай байхыг олсон. Тэрээр авто машиныхаа арын суудал дээр "буудагдсан" байдалтай олдсон юм.
Мөн хэргийн газраас амь хохирогчийн нэр дээр бүртгэгдсэн галт зэвсэг, сумны хонгио, гар утас зэргийг эд мөрийн баримтаар тооцон, Шүүх шинжилгээний хүрээлэнд хүргүүлсэн байна. Харин хэргийн газраас хохирогчийн гэрээслэл олддсон гэдэг нь ташаа мэдээлэл ажээ.
- Цогцост үзлэгийг Шүүх шинжилгээний хүрээлэнгийн эрх бүхий бүрэлдэхүүнтэй шинжээч явуулсан. Энэ үйл ажиллагааг дүрс, дуу бичлэгээр бэхжүүлж авсан. Төрсөн дүүг нь мөн өмгөөлөгч Ц-г хууль ёсны төлөөлөгчөөр тогтоон, тогтоолыг танилцуулсан. Хууль ёсны төлөөлөгчөөс ямар нэг санал хүсэлт гаргаагүй гэдгийг ЦЕГ-ын Хэвлэл мэдээлэл, олон нийттэй харилцах хэлтсийн дарга Г.Пүрэвдэлгэр онцоллоо.
Иргэний нийгмийн байгууллагууд өчигдөр /04.29-нд/ хэвлэлийн хурал зохион байгуулахдаа талийгаачийн задлан шинжилгээнд гэр бүлийнхнийг нь оролцуулаагүй. Бямба гарагийн өглөө 9 цагт задлан шинжилгээг хийнэ гэж ар гэрийнхнийг нь явуулчихаад баасан гарагийнхаа орой 12 цаг орчимд задлан шинжилгээг хийсэн гэж мэдээлсэн.
-Хэрэв амь хохирчийн задлан шинжилгээнд гэр бүлийн төлөөлөл байлцах хүсэлтэй байсан бол хууль ёстны төлөөлөгчид танилцуулсан тогтоол дээр санал хүсэлтээ бичих байсан аж. Ар гэрээс ямар нэгэн санал хүсэлт гаргаагүй тул хэргийн ул мөр балрахаас урьтаж, яаралтай задлан шинжилгээнд оруулснаа цагдаагийн байгууллагаас тайлбарлалаа.
Хэрэгт гэрчүүдээс мэдүүлэг авах, хяналтын камеруудыг хураан авах зэргээр прокурорын хяналтын хүрээнд мөрдөн шалгах ажиллагааг явуулж байна.
