Соёлын яамны дэмжлэгтэйгээр “Монголын загвар урлагийн холбоо” ТББ, “Хөгжилд хүрэх алхам” ТББ-аас санаачлан “Mongolia fashion week 2024” загварын долоо хоногийн олон талт арга хэмжээг 2024 оны 4 сарын 28-аас 5 сарын 05-ны хооронд нийслэл Улаанбаатар хотноо зохион байгуулж байна.
“Mongolia fashion week 2024” загварын долоо хоногийг хувцас загварын салбарт үйл ажиллагаа явуулж буй байгууллага, хувь уран бүтээлчдийг дэмжих, сурталчлан таниулах, уялдаа холбоог хангах, туршлага солилцох, өрсөлдөх чадварыг нэмэгдүүлэх, нэгдсэн зохион байгуулалтад оруулах, аж ахуй нэгж байгууллагууд болон хувь уран бүтээлчдийн ажлын байрыг нэмэгдүүлэх, нийгмийг соён гэгээрүүлэх, бусад салбарын байгууллагуудтай уялдаа холбоотой ажиллуулах зорилгын хүрээнд зохион байгуулж буй.
Үйл ажиллагааны хөтөлбөр:
Тухайлбал авангард хувцасны тэмцээнд нийт 40 гаруй дизайнер оролцохоор бүртгүүлэсэн байна.
Дашрамд дурдахад энэ удаагийн мастер класс сургалтын хүндэт зочноор Солонгос улсын дизайнеруудын холбооны ерөнхийлөгч Лие Санг Бонг эрхэм зочлон ирэх аж. Мөн хувцас загварын салбарын форумд загварын салбарын хөгжлийн бодлого тодорхойлогч, хэрэгжүүлэгч төрийн байгууллага болон гадаадын мэргэжилтнүүд, хувцас загварын чиглэлээр соёлын үйлдвэрлэл, үйлчилгээ эрхлэгч иргэн, хуулийн этгээд, мэргэжлийн холбоод, эрдэм шинжилгээ, судалгааны холбогдох байгууллагын 200 гаруй төлөөлөл оролцоно.
