Хот тосгоны эрх зүйн байдлын тухай хуулийг өнөөдрийн засгийн газрын хуралдаанаар танилцуулсан. Энэ талаар Түгжрэлийн сайд Б.Дэлгэрсайхан мэдээлэл өглөө.
-Улсын болон орон нутгийн зэрэглэлтэй хот тосгоны эрх зүйн байдал, нутаг дэвсгэр түүний удирдлагын нэгжийг шилжүүлэх асуудлыг энэ хуулийн хүрээнд хийж өгсөн. Ингэснээр улсын зэрэглэлтэй хот дөрөв, мөн 19 аймгийн төвийг орон нутгийн зэрэглэлтэй хот болгох, хуучин хот гэж нэрлэгдэж байсан сумдуудыг орон нутгийн хот гэж нэрлэхээр хуульд шинэ өөрчлөлтийг оруулсан. Тухайлбал Дорноговь аймгийн Замын-Үүд хот, Өмнөговь аймгийн Даланзадгад, Цогтцэций, Ханбогдыг хот болгоно
Мөн зарим нэг төрийн үйлчилгээг хүргэх үүднээс хил хязгаарт тосгон байгуулах асуудлыг шийдвэрлэхээр оруулсан. Тодруулбал, төрийн үйлчилгээ очоогүй байгаа хил хязгаар болох Ханьмандал, Гашуун сухайт, Шивээ хүрэн зэрэг боомтууд төвлөрсөн хэсгүүдийг тосгон болгохоор нэмэлт өөрчлөлт оруулна.
Нийслэл болон Шинэ зуун мод дагуул хотын эрх зүйн байдлын тухай хуулийг маргаашийн чуулганд хамт өргөн мэдүүлэхээр болж байна.
