Өнөөдрийн засгийн газрын ээлжит хуралдаанаар онцгой байдлын техник хэрэгсэл, хангамж, чадавхийг дээшлүүлэх асуудлыг хэлэлцсэн. Энэ талаарх шийдвэрийг Шадар сайд С.Амарсайхантанилцууллаа.
- Засгийн газраас Үндэсний гамшигтай тэмцэх сөрөн тэсвэрлэх чадавхийг дээшлүүлэх, гамшигтай тэмцэх байгууллагын чадавхийг нэмэгдүүлэх чиглэлд анхаарч байна. Сүүлийн жил гаруй хугацаанд эрсдлийг бууруулах стандарттай хөтбөлбөрийг боловсруулж судалгаа тооцоотойгоор Монгол Улсын хэмжээнд гарч болзошгүй аюулыг бууруулахтай холбоотой хэд хэдэн төлөвлөгөө боловсруулж Засгийн газрын хуралдаанд танилцуулсан. Стратегийн гол хэсэг болох төлөвлөгөөг танилцуулж зарим шийдвэрийг гаргалаа.
Онцгой байдлын албан хаагчдын хувцас хэрэглэл, техник бааз суурь, салбарын чадавхийг нэмэгдүүлэхтэй холбоотойгоор одоо байгаа эрэн хайх, аврах гал түймэртэй тэмцэх нэгж, бүлгүүдийн тоог нэмэгдүүлэх асуудал танилцуулагдлаа.
Хэдийгээр үе үеийн засгийн газар шаардлагатай төсөв, орон тоог нэмэгдүүлж ирсэн ч байх ёстой тооноосоо 60 хувь дутуу явж ирсэн. Тиймээс өнөөдрийн хуралдаанаар шаардлагатай орон тоог батлах, төсөв хөрөнгийг нэмэгдүүлэх, төсөвт зохицуулалт хийх асуудал ерөнхий сайдаас сангийн сайдад үүрэг даалгавар өгөгдсөн учраас үе шаттай арга хэмжээнүүд авагдана.
Эхний ээлжид 25 тэрбум төгрөгөөр гал унтраахад хэрэглэх дрон, робот ашиглах ялангуяа авран хамгаалагчдын хувцас хэрэгслийг олон улсын шаардлагад нийцүүлэх, жил тутам шинэчлэгдэж байдаг хувцас хэрэгслэлийн чанар стандарт, аюулгүй байдлын шаардлагад нийцүүлсэн байхаар тусгасан. Энэ долоо хоногоос нийлүүлэлт хийгдэнэ. Ү
үнээс гадна манай онцгой байдлын байгууллага аливаа гамшиг осол болоход иргэдэд мэдээлдэг байх ёстой. Зарлан мэдээлэх системийг шинээр хийхэд 30 сая ам.долларын төслийг хэрэгжүүлэх,гэж байна. Үүнийг удахгүй УИХ-аар хэлэлцүүлж, санхүүжилтийн эх үүсвэрийг шийдвэрлүүлнэ.
