УИХ дахь АН-ын бүлэг өнөөдөр хуралдсан. Тэдний хувьд өнгөрсөн баасан гарагт баталсан Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалах сөрөг нөлөөллийг бууруулах тухай хууль болон Баялагийн сангийн тухай хуулиудыг эсэргүүцэж буфйгаа илэрхийллээ. Энэ талаар УИХ-ын гишүүн Ж.Батсуурь дараах байр суурийг илэрхийллээ. Тэрээр,
- Хэд хэдэн хуулийг эрх баригчид яаралтай горимоор буюу чичирч байгаад баталсныг та бүхэн мэдэж байгаа байх. Эдгээр хуулиудыг өргөн барьсан цагаас нь эхлээд энэ бол болохгүй хууль юм гэдгийг олон удаа хэлсэн. Хамгийн сүүлд Г.Занданшатар намайг хурлаас хөөж гаргаж үг сонсоогүй. Энэ хуулинд Монгол Улсын төсөв батлах тухай эрхэнд халдсан заалтууд хүртэл орсон. Жишээлбэл "Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалах сөрөг нөлөөллийг бууруулах тухай хууль" гэдгийг батлаад энэ хуулиар "Төсвийн нэгдсэн зарлагын хэмжээг нэмэгдүүлэхгүйгээр салбар хооронд урсгал зардлыг шууд зохицуулах" эрх өгчихсөн. энэ хуулийн 6.2 дээр "Энэ хуулийн 6.1-д заасан арга хэмжээг хэрэгжүүлэхэд Төсвийн тухай болон, Төсвийн тогтвортой байдлын тухай хууль болон бусад хуульд өөрөөр заасан бол энэ хуулийг дагаж мөрдөнө" гээд Төсвийн хууль, Төсвийн тогтвортой байдлын тухай хуулийн заалтыг энэ хуулиар хүчингүй болгочихсон.
Та бүхэн санаж байгаа бол Төсвийн тухай хууль орж ирэхэд дагасан хуулиар нь сайд үйлдвэрлэдэгтэй адилхан хуулиар хуулийг цохиж унагаадаг асуудал бий болсон байна.
