УИХ дахь АН-ын бүлэг өнөөдөр хуралдаж, хэлэлцсэн асуудлын талаар сэтгүүлчдэд мэдээлэл хийлээ. Энэ үеэр УИХ-ын гишүүн Д.Ганбат:
- Хэд, хэдэн нэвтрүүлэг цацлаа, сонголтгүйгээр. Монголын 18,19 телевизээр цагийг нь давхцуулаад, сонготгүйгээр үзүүллээ. Тухайлбал “Улаанбаатараас ярьж байна”, талийгаач С.Зориг агсны хамааралтай н.Булган гуай ярьж байна.
Энэ нь нийгмийг маш их талцуулж байна, ард иргэдийг маш их бухимдуулж хувааж байна. Цаашдлаад үндэсний аюулгүй байдалд нөлөөлөх хэмжээний болчихлоо.
1998 оны аравдугаар сарын 2-ноос хойш 26 жил өнгөрсөн байна. Энэ хугацаанд хийж хэрэгжүүлсэн ажлыг аваад үзэхэд тухайн аллагын эзэд нь илэрсэн ч юмуу, илрээгүй ч юм уу эргэлзээтэй байдалд олон түмнийг оруулсан байна. Ийм учраас АН-ын Бүлгээс Үндэсний аюулгүй байдлын зөвлөлд албан бичиг явуулъя. С.Зориг агсны аллагатай холботой асуудлыг нууцаас гаргаж ил болго. Эрүүдэн шүүсэн гээд байгаа асуудлыг ч ил гаргах ёстой. Тэгэхгүй бол 2000 оноос эхлээд л цагдаагийн дарга байсан хүн МАН л ялахгүй бол С.Зоригийн аллага илрэхгүй гэсэн. Энэнээс хойш арван хэдэн жил , аллагаас хойш 26 жил өнгөрөөд байна. Хэд хэдэн сонгуульд МАН ингэж орсон.
Ардчиллын үнэт зүйлсийг тээгчид рүү маш их заналхийлж байна. Ар гэр, үр хүүхдэд нь “араа дагаарай” гэж хүмүүсээр хэлүүлж байна. Ийм байдал Монголын ард түмэнд яавч сайн зүйл авч ирэхгүй.
