О.Батнайрамдал Боловсролын зээлийн сангийн эргэн төлөлтийн асуудлаар Улсын Ерөнхий Прокурорын газарт гомдол гаргалаа. Энэ үеэрээ тэрбээр,
- "2021 онд УИХ-аас дээд боловсролын санхүүжилт, суралцагчийн нийгмийн даатгалын баталгааны тухай хууль баталсан. энэ хуулийн 8.8-д тухайн суралцагч татвар төлөгчдийн мөнгөөс зээл авч сурсан бол түүнийг хөнгөлөх, чөлөөлөх, хүчингүй болгохыг УИХ-ын журмаар зохицуулна гэсэн байдаг. Нэг ёсондоо татвар төлөгчдийн мөнгийг зээл болгож авсан бол чөлөөлөх эрх нь улсын их хуралд байгаа, хуулиараа. Гэтэл ерөнхий сайддаа ч хэлэлгүйгээр боловсролын сайд өөрөө дур мэдэн тушаал гаргаж маш олон хүүхдүүдийг чөлөөлсөн байдаг. Энэ бол маш олон жууль, дүрэм, журам зөрчсөн үйлдэл.
Энэ дээр нам хамаарахгүй Л.Гантөмөр сайдаас авахуулаад өнөөдөр Л.Энх-Амгалан сайдын чөлөөлөлтүүд бүгд тухайн үедээ Гантөмөр сайдын тушаалыг үг үсэггүйгээр хуулж дараа дараагийн чөлөөлөлтүүд хийгдсэн байдаг.
Боловсролын зээлийн сангийн асуудлаар шүгэл үлээснээс хойш 5-6 тэрбум төгрөг эргэн төлөгдсөн байна. Энэ нь өмнөх жилүүдтэй харьцуулахад, тав дахин нэмэгдсэн дүн гарч байгаа. Тодруулбал энэ асуудал сөхөгдсөнөөс хойш өндөр албан тушаалтнууд өөрсдийнхөө болон хүүхдийнхээ ч юмуу, хамаарал бүхий этгээдийнхээ зээлийг төлсөн. Гэхдээ нийт төлөгдөх ёстой 360 тэрбумаас аваад үзэхэд дөнгөж 5-хан хувьтай эргэн төлөгдсөн гэсэн үг. Үлдсэн 95 хувь нь одоог хүртэл төлөгдөөгүй байна. Сонгууль болоход хоёрхон сарын хугацаа үлдлээ. БЗС-тай холбоотой горилогчид ёс зүйн манлайлал үзүүлж, өрөө төлчихөөд тойрогтоо оч. Төлөхдөө хүүтэй нь төл." гэсэн байр суурийг илэрхийллээ.
мөн тэрбээр "Би УИХ-д нэр дэвшинэ. Л.Гантөмөрийн дэвшсэн тойрогт дэвшинэ" хэмээлээ.
