Засгийн газрын ээлжит хуралдаан өнөөдөр боллоо.
Шийдвэрийг хотын дарга Х.Нямбаатар, Түгжрэлийг бууруулах үндэсний хорооны дарга Б.Дэлгэрсайхан, Боловсрол, шинжлэх ухааны сайд Л.Энх-Амгалан нар танилцуулж байна.
БСШУ-НЫ САЙД Л.ЭНХ-АМГАЛАН:
-Үе үеийн Засгийн газар Үндсэн хуулиа зөрчжээ. 1990 оноос хойшх бүх Засгийн газар шинжлэх ухааны бодлогод алдаа завхрал гаргаж Үндсэн хуулиа зөрчсөн байна. Шинжлэх ухааны технологийн аюулгүй байдал гэдэг бүлгийг хуулиас санаатайгаар авч хаясан нөхцөл байдал мөн үүссэн байна. Иймээс шинжлэх ухааны бодлого алдагдаж, харалган байсны хор уршигт манай улс хөгжлийн түвшин доогуур байна гэж үзэж байна. Цаашдаа төр засаг, яамдын уялдааг хангасан эко систем бүрдүүлэх ёстой.
Өнөөдөр Монгол Улсад явж байгаа шинжлэх ухааны судалгаа шинжилгээний санхүүжилт хоёрхон эх үүсвэрээр явж байгаа. Маш бага төсөвтэй. Энэхүү сул тогтолцоог олон улсад шинжлэх ухааны технологийн үхлийн хөндий гэж нэрлэдэг. Зөвхөн судалгаа хөгжүүлэлтийн түвшинд эргэлтийн санхүүжилт өгдөг манайх шиг улс алга. 20 саяын судалгаа хүсээд түүний үр дүнг үзнэ гэдэг шиг худал юм байхгүй.
