Засгийн газрын ээлжит хуралдаан өнөөдөр боллоо.
Шийдвэрийг хотын дарга Х.Нямбаатар, Түгжрэлийг бууруулах үндэсний хорооны дарга Б.Дэлгэрсайхан, Боловсрол, шинжлэх ухааны сайд Л.Энх-Амгалан нар танилцуулж байна.
ХОТЫН ДАРГА Х.НЯМБААТАР:
-Нийслэл хот доороо 42 хоттой байя. 20 минутын дотор оршин суугч төрийн бүхий л үйлчилгээг авдаг болъё. Хороо гэх засаг захиргааны нэгжийг өөрчилж хот болгон зохион байгуулалт хийе гэж бид үзэж байгаа. Ингэхийн тулд эрх мэдэл багатай байгаа хороонуудыг нэгтгэж, хороолол хорооллоор нь хот гэж зохион байгуулж, төлөвлөлт хийх тогтолцооруу шилжүүлэх цогц өөрчлөлтийг хийнэ.
Бродюр ярьж байгаа хүмүүст хандаж хэлэхэд, Ажил хийж байгаа хүмүүсийг шинжлэх ухааны үндэслэлгүй харлуулмааргүй байна. Ажил хийе гэхээр хийлгэхгүй улс төрийн зорилготой харлуулах ажлаа одоо болимоор юм.
Мөс зөөхөөр зөөлөө гэнэ. Замаа засах гэхээр заслаа гэнэ. Засахгүй болохоор зассангүй гэнэ. Мэргэжлийн инженерийн шийдэлтэй ажлууд дээр зарим хүмүүс улс төрийн зорилготой илүү дутуу юм ярихаа болих хэрэгтэй. Би ажил хариуцаж байгаа хүний хувьд буруу юм хийсэн бол хариуцлагаа хүлээнэ. Ажил хийх гэхээр хийлгэхгүй. Шөнө оройгүй энд тэнд сошиол хуудсаар гадаад, дотоодод болж байгаа үйл явдлыг хавсаргаж улс төрийн зорилготой юм хийхийг хүлээж авахгүй.
